إنتبهوا معايا في الكلام ده عشان نحفاظ على نفسنا واللي حوالينا من خطر الموت بالفيروس
بالله عليكم ناخد الموضوع جد شويةونساعد بعض علشان نعدي الأزمة
أولًا احنا كشعب ماشاء الله عددنا كبير يعني لا قدر الله انتشار الفيروس هيكون فعلا صعب السيطرة عليه من قبل الدولة لوحدها لازم احنا كمان يكون عندنا وعي .
ثانيًا: مافيش داعي لخلق أزمات وتشجيع التجار على الاحتكار ورفع اسعار السلع الغذائية والمستلزمات الطبية.
ثالثًا: بلاش تاخدوا الموضوع باستهتار لأن منظمة الصحة أعلنت إن الوباء تحول إلى Pandemic يعني جائحة يعني بلاء وقع فوق رؤوسنا جميعًا بمعنى الكلمة، يبقى لما نلاقي حد لابس كمامات او بيستعمل المطهر ما نقعدش نضحك ونسخر منه؛
تصرفاتكم دي هتخلي الدولة تفرض علينا العزل اجباري والسيناريو اللي خايفين منه كلكم هيحصل غصب عنكم.
 |
| طريقة تحضير محلول التعقيم |
خامسًا: الشباب والمراهقين ربنا يحميهم، مش معنى انك رياضي وحاسس انك هرقليز وصحتك زي الحديد يبقى تنزل وتروح وتيجي لأنك ممكن تنقل العدوى لأخواتك الصغيرين أو لأهلك عموما وحطوا في اعتباركم إن ماحدش فينا عارفة حجم قدرته المناعية .
 |
| معلومات ضروري تعرفها للوقاية من covid19 |
سابعًا: تجنبوا الذهاب للمستشفيات إلا في حالة الطواريء وفي أرقام هتكلموها لو لاقدر الله شكيت إنك مصاب أو أحد أفراد العائلة اتصل وهما يتصرفوا.
ثامنًا: تجنبوا الأكل خارج المنزل، وبلاش تجمعات والخروج للضرورة القصوى.
 |
| أحد أنواع كمامات الوقاية من العدوى |
عاشرًا: كفاية هزار وسخرية واستهتار وياريت ناخد الموضوع جد لأن دي أرواح ناس، ومافيش أغلى على الانسان من حياته وحياة أحباءه
نسأل الله العفو العافية بلاش نوصل لمرحلة إننا نسمع بيان يقولنا "ودعوا أحباءكم"
أو تبقى محتاج حاجة لبيتك ومش عارف تجيبها لأنك معزول بالإجبار لحين احتواء الأزمة أو لاقدر الله محتاج طبيب لأي تخصص ومش مسموح لك تنزل. لسه في وقت معانا إننا نتعلم من أخطاء الدول التانية لسه في وقت بس مش كتير.
واجب على كل فرد في البلد إنه يوعي اللي حواليه بكل الطرق
انسوا أي خلافات دلوقت وانقسامات سواء مشجعين كورة أو سياسيين أو أي فرقتين منقسمتين لأي سبب إحنا في مركب واحدة بمعنى الكلمة حرفيًا يبقى لازم نساعد بعض علشان نوصل لبر الأمان كلنا.
 |
| للإبلاغ عن أي شائعات بخصوص كورونا |
مرحبا بكم سيتم الرد على تعليقكم بأسرع وقت